Танилцуулга

Та дэлхийн хаанаас ч интернэтийн үйлчилгээ ашиглан хадгаламжийн данс нээж дансандаа орлого хийн хуримтлуулах, мөнгөн хөрөнгөө хамгийн найдвартэй, эрсдэлгүй хэлбэрээр өсгөж арвижуулахыг хүсвэл ХХБанкинд мөнгөн хадгаламжийн данс нээлгэх энэхүү үйлчилгээнд холбогдохыг санал болгож байна.

! Хэрэв та ХХБанкны ТиДиБи Онлайн үйлчилгээнд бүртгэлтэй бол www.ebank.mn сайтаар нэвтэрч “Хадгаламжийн данс нээлгэх” хүсэлт илгээх бүрэн боломжтой.

Үйлчилгээний онцлог, давуу талуудыг дурдвал:

• Интернэтээр банкны вэб сайтад холбогдон өөрийн хүссэн хугацаа, валютыг сонгон хадгаламжийн дансыг ямар нэгэн шимтгэлгүйгээр нээх боломжтой. Дэлгэрэнгүй
• Та орон зай, цаг хугацаа үл харгалзан хадгаламжийн дансандаа орлого хийх, дансны хуулгаа шалгах боломжтой. Дэлгэрэнгүй
• Банк таны хадгаламжийн дансан дахь мөнгийг найдвартай хадгалах бөгөөд хадгаламж, түүнд бодогдсон хүүг та Монгол Улсад ирээд өөрийн биеэр банкинд хандан данснаасаа авах боломжтой.
• БНСУ-д ажиллаж, амьдарч байгаа Монгол иргэд нь шуурхай, хялбар, хямд төлбөртэй PayEasy гуйвуулгын үйлчилгээг ашиглан хуримтлал үүсгэж, орон сууцны зээлд хамрагдах боломжтой.

Анхаарах зүйлс

• Та өөрийн мэдээллийг бүрэн, үнэн зөв, монгол/англи хэлний аль нэгийг ашиглан бөглөж бичиг баримтын хуулбар болон цээж зургаа оруулснаар данс нээгдэнэ. Асуулт бүрийг анхааралтай уншиж, нягталсны дараа хүсэлтээ илгээнэ үү.
• Данс нээгдсэн өдрөөс хойш 2 сарын хугацаанд дансанд орлого ороогүй тохиолдолд данс хаагдахыг анхаарна уу.
• Интернэтээр данс нээх үйлчилгээтэй холбоотой аливаа санал хүсэлтийг info@tdbm.mn и-мэйл хаягаар илгээнэ үү.
• Таны данс нээгдэх, хаагдах, данс нээх хүсэлт буцаагдах тохиолдолд таны бүртгүүлсэн и-мэйл хаягаар мэйл очно. Харин дансны гүйлгээний талаар та интернэтээр дансны хуулга шалгах үйлчилгээний дагуу банкны вэб хуудсанд хандан мэдээлэл авах боломжтой.
• Та өөрийн дансны мэдээллийн нууцлалыг чандлан хадгалж, гуравдагч этгээдэд задруулахгүй байх үүрэгтэй.
• Хугацаатай хадгаламжийн хугацаа дуусмагц хугацаагүй хадгаламж руу шилжих бөгөөд хэрвээ та хадгаламжийн хугацааг дахин сунгахыг хүсвэл хүсэлтээ info@tdbm.mn хаягаар ирүүлнэ үү.
• Хугацаатай хадгаламжийн данс нээлгэх хүсэлтийн дагуу банк эхлээд хугацаагүй хадгаламжийн данс нээх бөгөөд дансанд хугацаатай хадгаламжийн доод үлдэгдлийг байршуулсан тохиолдолд таны дансыг хугацаатай данс болгон өөрчилнө.
• Өөр этгээдийн өмнөөс данс нээлгэх хүсэлт илгээсэн тохиолдолд хүлээн авах боломжгүй болно.

Мөнгөн хадгаламжийн гэрээтэй та энд дарж танилцана уу

Хадгаламжийн данснаас хийгдэх зарлагын гүйлгээ нь таныг банкинд өөрийн биеэр хандан нотариатаар баталгаажуулсан бичиг баримт болон баталгаат гарын үсэг бүртгүүлсний дараа хийгдэх боломжтой болно.

Мөнгөн хадгаламжийн гэрээтэй танилцаж, зөвшөөрсөн