Түгээмэл асуулт хариулт

Картаа хаяж гээсэн тохиолдолд яах ёстой вэ?

Хэрэв Та Монголд байгаа бол:
Та картаа алдсан даруйдаа 24 цагийн лавлах утас 19001977 дугаарт холбогдон картаа хаалгана уу. Мөн өөрт ойрхон дурын салбарт цахим үнэмлэхний хамт хандах боломжтой. Ти-Ди-Би онлайн үйлчилгээнд бүртгэлтэй бол нэвтрэн орж картаа түр хаах болон буцаан нээх боломжтой.

 

Хэрэв Та гадаад улс оронд байгаа бол:
Та ХХБ-ны (976) 70161988 дугаар, viber 99001977, we chat 99001977, skype  tdb_info болон info@tdbm.mn цахим шуудангийн хаягаар хандаж, картаа түр хугацаагаар хаалгуулах боломжтой.  Ти-Ди-Би онлайн үйлчилгээнд бүртгэлтэй бол нэвтрэн орж картаа түр хаах болон буцаан нээх боломжтой.

Гадаадад АТМ-д картаа хураалгасан тохиолдолд яах вэ?

Юуны өмнө та хилийн чанадаас холбогдож болох 24 цагийн лавлах утас (976) 70161988 дугаар, viber 99001977, we chat 99001977, skype tdb_info болон info@tdbm.mn цахим шуудангийн хаягаар мэдэгдэж картаа түр хугацаагаар хаалгуулах хэрэгтэй.

Гадаадын банкны АТМ-д хураагдсан картыг Олон Улсын Визагийн журмаар харилцагчид буцаан олгодоггүй ба та шинээр карт авах хэрэгтэй болно. Үүний тулд та  ХХБ-ны info@tdbm.mn хаяг руу карт дахин авах хүсэлтээ банкинд бүртгэлтэй и-мэйл хаягнаасаа илгээх боломжтой.

Картын пин кодоо мартсан бол яаж мэдэх боломжтой вэ?

Та манай гүйлгээний эрхтэй TDB online цахим банктай бол тус цахим банкныхаа карт хэсэгрүү нэвтэрч "пин код авах" гэснийг сонгон бүртгэлтэй мэйл болон дугаарлуугаа шинэ пин код үүсгэн авах боломжтой. Эсвэл дурын салбарт өөрийн биеэр бичиг баримтын хамт хандан пин кодыг шинээр авч болно. Харин дээрх хувилбаруудаар авах боломжгүй бол info@tdbm.mn хаягаар банкинд бүртгэлтэй и-мэйл хаягнаасаа хандаж шинээр пин код авна уу.

Дотоодын картаар интернэтийн гүйлгээ хийж болох уу?

ХХБ-ны интернэтээр үйлчилгээ үзүүлдэг байгууллагуудаар үйлчлүүлэх боломжтой. Харин бусад гадаадын интернэтээр үйлчилгээ үзүүлдэг вэб хуудсаар үйлчлүүлэхийн тулд та олон улсын карттай байх шаардлагатай.

Олон улсын картаар интeрнэтийн худалдаа хийхэд юуг анхаарах вэ? Ямар өгөгдлүүдийг заавал өгөх шаардлагатай вэ?

Та тухайн бараа үйлчилгээ худалдан авч байгаа интернэт вэб сайтынхаа үйлчлэх хүрээ, найдвартай байдлыг сайн харах хэрэгтэй. Ялангуяа АНУ, Канад зэрэг улсын сайтууд зөвхөн тухайн нутаг дэвсгэртээ тухайн орны банкнаас гаргасан картыг хүлээн зөвшөөрдөг. Заавал өгөх шаардлагатай мэдээлэлд картын дугаар, СVV код болон картын хүчинтэй хугацаа орно. Таны гүйлгээ хийж байгаа интернэт сайт нь Verified by VISA үйлчилгээг нэвтрүүлсэн бол та интернэт пин код ашиглан гүйлгээ хийх хэрэгтэй.

Интернэт пин код хэрхэн авах вэ?

Худалдаа, хөгжлийн банкны дурын АТМ ашиглан интернэт пин кодоо авах боломжтой.

АТМ ашиглах боломжгүй тохиолдолд манай банкны лавлах төвийн 19001977 утсаар, info@tdbm.mn цахим хаягаар хандах мөн Ти-Ди-Би Онлайн үйлчилгээ ашиглаад интернэт пин кодоо авах боломжтой.

АТМ-д картаа хураалгасан бол хаана хандах вэ?

Та картаа ХХБ-ны салбарын байран дахь АТМ-д хураалгасан бол:
Та бичиг баримтаа салбарын ажилтанд шалгуулан хураагдсан картаа буцаан авах боломжтой.

 

Та картаа ХХБ-ны салбарын байрнаас бусад газарт байрлах АТМ-д картаа хураалгасан бол:
24 цагийн лавлах утас  19001977 дугаарт холбогдон таны карт хураагдаж ирсэн эсэхийг  шалгуулж ХХБ-ны төв байранд өөрийн биеэр бичиг баримтын хамт ирж хураагдсан картаа буцаан авах боломжтой.

 

Бусад арилжааны банкны АТМ-д картаа хураалгасан бол:
24 цагийн лавлах утас 19001977 дугаарт холбогдон таны карт хураагдаж ирсэн эсэхийг  шалгуулж ХХБ-ны төв байранд өөрийн биеэр бичиг баримтын хамт ирж хураагдсан картаа буцаан авах боломжтой.

Картаар хийгдсэн гүйлгээгээ хэрхэн шалгаж, хянах вэ?

Та картаар хийгдсэн гүйлгээний мэдээллээ дараах байдлаар шалгах боломжтой. Үүнд:

Хэрэв Та TDB-Online болон Мост мони үйлчилгээний хэрэглэгч бол:
Өөрийн эрхээр үйлчилгээнд нэвтрэн дансны хуулгаа шалгаснаар картаар хийсэн гүйлгээний мэдээллээ шалгах боломжтой.

Та тус үйлчилгээнд бүртгэлгүй бол өөрийн биеэр бичиг баримтын хамт банкны дурын салбарт хандан бүртгүүлэх боломжтой.

 

Хэрэв Та Мессеж банк үйлчилгээний хэрэглэгч бол:  
Амжилттай хийгдсэн картын гүйлгээ бүрийн мэдээлэл таны и-мэйл хаягаар болон үйлчилгээнд бүртгэлтэй утасны дугаараар илгээгдэх болно.

Та мессеж банк үйлчилгээнд бүртгэлгүй бол 24 цагийн лавлах утас 19001977 дугаар болон info@tdbm.mn цахим хаягаар банкинд бүртгэлтэй утасны дугаар болон и-мэйл хаягнаасаа хандахаас гадна өөрийн биеэр бичиг баримттайгаа банкны аль ч салбарт хандаж бүртгүүлэх боломжтой.   

 

ХХБ-ны салбар нэгжээс хуулга авах:
Та өөрийн биеэр бичиг баримтын хамт банкны дурын салбарт хандаж картын гүйлгээгээ шалгуулах боломжтой.

Гадаадад байх хугацаандаа хэрхэн картаа сунгах, дахин хэвлүүлэх вэ?

Таны картын хүчинтэй хугацаа дууссан болон алдаж гээсэн тохиодолд банкинд бүртгэлтэй и-мэйл хаягнаасаа info@tdbm.mn  цахим хаягт карт дахин захиалах хүсэлтээ илгээх боломжтой.

Картын дансны дугаараа хэрхэн мэдэх вэ?

Та мессеж банк үйлчилгээ ашиглан дансны үлдэгдэл болон дансны дугаараа мэдэх боломжтой. Мессеж банк үйлчилгээнд бүртгүүлэхдээ: Лавлах утас 19001977 дугаар болон info@tdbm.mn хаягаар банкинд бүртгэлтэй утасны дугаар болон и-мэйл хаягнаасаа холбогдон бүртгүүлэх боломжтой. Мөн өөрийн бичиг баримттайгаа банкны дурын салбарт хандаж болно.

Зайнаас картын лимитээ хэрхэн өсгүүлэх вэ?

Хэрвээ та манай банкны салбарт хандан лимит өсгөх хүсэлт гаргах боломжгүй гадаадад болон орон нутагт байгаа бол  info@tdbm.mn хаягт и-мэйлээр, 133133 тусгай дугаарт мессежээр банкинд бүртгэлтэй и-мэйл хаяг болон гар утасны дугаараас картын гүйлгээний лимит өсгүүлэх хүсэлтээ илгээх боломжтой.

Бэлэглэлийн картаа хэрхэн идэвхжүүлэх вэ?

Бэлэглэлийн картыг бэлгэнд хүлээн авсны дараа карт эзэмшигч манай банк руу доорх сувгуудаар холбогдож, идэвхижүүлэх боломжтой. Үүнд:   

- ХХБ-ны www.tdbm.mn хаягт хандаж;
- 24 цагийн ажиллагаатай мэдээллийн төвтэй 19001977 дугаараар холбогдож;
- Банкны салбаруудаар.

CVV кодыг хаанаас авах уу?

Таны картын ард гарын үсэг зурах хэсгийн харалдаа 3 оронтой тоо байгаа. Тухайн код нь таны картны CVV код юм.

Бурзай картыг өөр ҮБ болон АТМ-р гүйлгээ хийх боломжтой юу? Картын хөнгөлөлт хэзээ орох вэ?

Бурзай карт нь бусад төлбөрийн картын адил ашиглагдах ба давуу тал нь Улаанбаатар Их дэлгүүрт хөнгөлөлт эдлэх боломтой байдаг юм. Картын хөнгөлөлт нь гүйлгээ хийсний дараа өдөр дансандаа орох болно.

Карт шинээр захиалж авахад хэд хоногт гарах вэ?

Карт захиалж авахад ажлын 2-3 хоногт гардаг. Хэрвээ та яаралтайгаар захиалж авах бол нэмэлт 10000 төгрөгийн шимтгэл төлөөд манай Төв салбар, Энхтайван салбар, Пийс тауэр тооцооны төвийн аль нэг дээр ажлын өдөр 2 цагаас өмнө захиалвал оройдоо гарах боломжтой байдаг.

Картын дансны үлдэгдэлд хүү бодогддог уу?

Дотоодын төгрөгийн картын дансны үлдэгдэлд жилийн 3.6%-ийн , олон улсын долларын картын дансны үлдэгдэлд жилийн 1.8%-ийн , еврогийн картын дансны үлдэгдэлд жилийн 1.2%-ийн хүү тус тус бодогддог байгаа.

Дотоодын төгрөгийн картаа олон улсын карт болгон солиулж авч болох уу?

Дотоодын болон олон улсын виза карт нь тус тусдаа худалдаалах үнэтэй тул та олон улсын карт шинээр захиалж авах хэрэгтэй.

Юнион пэй карт олон улсын виза картнаас юугаараа ялгаатай вэ?

Юнион пэй карт нь нэг картан дээр төгрөг, доллар , юанийн гэсэн 3дансыг холбон ашиглах боломжтой байдгаараа онцлог юм. Та картаа Монголд ашиглавал төгрөгийн данснаас , Хятадад ашиглавал юанийн данснаас харин бусад оронд долларын данснаас гүйлгээ нь хийгдэх болно.

Картаа хаячихлаа дахин захиалж авахад хэдэн төгрөг төлөх вэ?

Та дотоодын энгийн карт дахин захиалж авах бол 5000 төгрөгний шимтгэлтэй. Харин олон улсын виза болон юнион пэй картаа дахин захиалж авах бол 15000 төгрөгний шимтгэлтэй.

Картын дугаараар хүн рүү мөнгө шилжүүлж болох уу?

Худалдаа хөгжлийн банк дотроо ATM-с картын дугаараар мөнгө шилжүүлж болно. Харин бусад арилжааны банк руу мөнгө шилжүүлэх бол заавал дансны дугаараар нь шилжүүлэх хэрэгтэй.

Дотоодын картын дансандаа гадаадаас мөнгө хүлээн авах боломжтой юу?

Дотоодын картын дансандаа гадаадаас мөнгө хүлээн авах боломжтой бөгөөд тухайн өдрийн валютын ханшаар хөрвөөд орох болно.

Бичиг баримт болон картаа хаячихлаа, лавлагаагаар картаа дахин захиалж авч болох уу?

Уучлаарай лавлагаагаар үйлчлэх боломжгүй. Хүчин төгөлдөр иргэний үнэмлэх эсвэл гадаад паспортоор үйлчлэх боломжтой байдаг.

Картаараа гүйлгээ хийх гэсэн болохгүй байна яах вэ?

Хэрвээ та Монголд байгаа бол манай лавлах утас 19001977 дугаараар харин гадаадад байгаа бол 70161988 дугаараар болон info@tdbm.mn цахим хаягаар хандан картын мэдээллээ шалгуулна уу.

Картаа хэрхэн сунгах, дахин хэвлүүлэх вэ?

Таны картын хүчинтэй хугацаа дууссан, эсвэл картаа алдаж гээсэн бол бичиг баримттайгаа дурын салбарт хандан карт дахин захиалах боломжтой. Хэрэв гадаадад байдаг бол банкинд бүртгэлтэй и-мэйл хаягнаасаа info@tdbm.mn  цахим хаягт карт дахин захиалах хүсэлтээ илгээх боломжтой.