Түгээмэл асуулт хариулт

Мост Мони үйлчилгээнд зайнаас бүртгүүлэх боломжтой юу?

Одоогоор зайнаас уг үйлчилгээнд бүртгүүлэх боломжгүй байгаа тул та банкны дурын салбарт өөрийн биеэр бичиг баримтын хамт хандан мост мони үйлчилгээнд бүртгүүлэх боломжтой.

Мост мони үйлчилгээний нууц үг, пин код блоклогдсон бол хаана хандах вэ?

Та банкинд бүртгэлтэй дугаар болон и-мэйл хаягнаас лавлах утас 19001977 дугаар, info@tdbm.mn хаягт хандан пин код болон нууц үгийн түгжээ гаргуулах боломжтой. Мөн өөрийн бичиг баримттайгаа банкны дурын салбарт хандаж болно.

Мост мони үйлчилгээний нууц үгээ мартсан бол хэрхэн шинээр авах вэ?

Та www.mostmoney.mn хаягт хандан "нууц үг мартсан" гэсэн хэсэгт хандаж өөрийн нэвтрэх нэр, утасны дугаар болон нууц асуултын хариулт, баталгаажуулах кодоо оруулснаар таны мост мони үйлчилгээнд бүртгэлтэй гар утас эсвэл и-мэйл хаягаар шинэ нууц үг илгээгдэх болно.

Мост мони үйлчилгээний пин кодоо мартсан бол хэрхэн шинээр авах вэ?

Хэрвээ та пин кодоо мартсан бол банкны дурын салбарт өөрийн биеэр бичиг баримтын хамт хандан шинээр пин код авах боломжтой. Салбарт хандах боломжгүй харилцагч нарын хувьд мост мони үйлчилгээнд бүртгэлтэй и-мэйлээс info@tdbm.mn хаяг руу и-мэйл илгээн шаардлагатай маягтыг өөрийн гараар бөглөн иргэний үнэмлэх эсвэл гадаад паспортын хамт скайнердан илгээснээр мост мони үйлчилгээний пин кодыг шинээр олгох боломжтой.

Мост мони үйлчилгээний меню ажиллахгүй, утсан дээр меню суухгүй байгаа тохиолдолд хаана хандах вэ?

Энгийн меню ажиллахгүй байгаа тохиолдолд 579 дугаарт Off мессеж илгээж устгана. Устсаны дараа On мессеж илгээж дахин суулгана.

Хэрэв меню суухгүй, ажиллахгүй байгаа бол Мост меню хариуцсан мост монигийн лавлах 11-315757 дугаарт (09:00 - 18:00 цагийн хооронд) холбогдох талаар зөвлөгөө өгөх.

Мост монигоор банк хооронд хийсэн валютын гүйлгээ шууд орох уу?

Шууд орохгүй. Ажлын өдрүүдэд 15:30 цагаас өмнө хийгдсэн гүйлгээ 2-3 цагийн дараа орно. 15:30 цагаас хойш хийгдсэн гүйлгээ дараагийн ажлын өдөр орно.

Дансны үлдэгдлээ шалгах үйлчилгээнд зайнаас бүртгүүлэх боломжтой юу?

Дансны үлдэлдэл шалгах болон картаар хийсэн амжилттай гүйлгээний мэдээллээ мессежээр авах мессеж банк үйлчилгээнд зайнаас бүртгүүлэх боломжтой. Та банкны лавлах төвийн 19001977 утсаар болон info@tdbm.mn цахим хаягаар банкинд бүртгэлтэй утасны дугаар болон и-мэйл хаягнаасаа хандаж бүртгүүлэх боломжтой. 

Мост мони аппликэйшнийг гар утсан дэээрээ яаж суулгуулах вэ?

Android утастай бол Play Store-оос Most Money гэж хайна. Хайлтаар гарч ирсэн аппликейшны Install эсвэл Download товчин дээр дарж утсандаа татна.

iPhone утас бол App Store-оос Most Money гэж хайна. Хайлтаар гарч ирсэн аппликейшны Free эсвэл Download товчин дээр дарж утсандаа татна.

Би утасны дугаараа сольчихсон юм, хэрхэн утасныхаа дугаарыг солих уу?

Утасныхаа дугаарыг солиулах бол та өөрт ойрхон манай салбар дээр бичиг баримтийн хамт очиж солиулаарай.

Тан код гэж юу?

Тан код нь мост мони үйлчилгээгээр бичиг баримтгүйгээр манай банкны салбар болон АТМ дээрээс бэлэн мөнгө авч болдог үйлчилгээ юм. Мөн онлайн дээр тан кодоороо төлбөр төлөх боломжтой үйлчилгээ юм.

Тан кодоор бэлэн мөнгө авдаг гэсэн яаж авдаг вэ?

Та мост мони үйлчилгээ руугээ нэвтэрч ороод тан код гэсэн хэсгээс нууц үг авна тэр нууц үгээрээ манай банкны салбар болон АТМ-с бэлэн мөнгө авч болдог.

Мост мони үйлчилгээгээр нэг удаадаа хэдэн төгрөг шилжүүлдэг вэ?

Мост мони үйлчилгээ нь нэг удаад 2 сая төгрөг, өдөрт 5 сая төгрөг хүртэл гүйлгээ хийх боломжтой. Хэрэв та хүсвэл банкны дурын салбарт хандан өдрийн гүйлгээний лимитээ 10 сая төгрөг хүртэл өсгөх боломжтой.

 

Мост мони ашиглан хэрхэн билл төлөх вэ?

Та манай мост мони цахим банкинд бүртгэлтэй бол тус цахим банкруугаа нэвтрэн "билл төлөх" цэсээр хандан утас, цахилгаан, ус, СӨХ-н гэх мэт билл төлбөрүүдээ төлж болно.

Нэгж авах

Та манай мост мони цахим банкинд бүртгэлтэй бол тус цахим банкруугаа нэвтрэн "Нэгж цэнэглэх" хэсгээр нэвтрэн данс, цэнэглэх дугаар, дүн гэсэн мэдээллээ оруулан нэгж авах боломжтой

Мостын хугацаа сунгах зөвлөгөө