• Гадаадад үйлчлүүлсэн гүйлгээний баримт, тооцооны хуудсуудаа хадгалж дансны хуулгатайгаа тулгаж хэвшээрэй.
• Зарим гадаадын банкны АТМ-аас бэлэн мөнгө авахад 6 оронтой код шаарддаг ба Таны карт 4 оронтой пин кодтой тохиолдолд 4 оронтой кодоо оруулаад ‘Enter’ товчыг дарж гүйлгээ хийх боломжтой.
• Зарим үйлчилгээний байгууллагууд VISA болон UnionPay картын хэрэглэгчдэд зориулж хямдрал, урамшуулал зарласан байдаг ба Та уг мэдээллийг www.tdbm.mn цахим хуудаснаас аваарай.
• Банкинд бүртгэлтэй утасны дугаар болон имэйл хаягт банкнаас илгээсэн мэдээллийг тогтмол шалгаж байх.

АНХААРАХ

• Олон улсын хэмжээнд нийтлэг тохиолддог эрсдэлүүдээс урьдчилан сэргийлэх, харилцагчдаа хамгаалах зорилгоор ХХБ нь 24 цагийн сэжигтэй гүйлгээний хяналтын систем ажиллуулж байна.
• Та гар утсаа нээлттэй байлгах, электрон шуудангаа тогтмол шалгах, тантай холбогдох мэдээлэл өөрчлөгдсөн даруй банканд мэдэгдэж, шинэчлүүлснээр картын гүйлгээний эрсдэлээс хамгаалагдах болно.
   

• Картын дансанд орлого, зарлага хийх;
• Дансны үлдэгдэл шалгах;
• Сүүлийн 10 гүйлгээний мэдээлэл авах;
• ПИН код өөрчлөх (шимтгэлгүй);
• Интернэт ПИН код авах;
• Картаа ашиглан ХХБанк дотроо картын болон дансны дугаараар шилжүүлэг хийх;
• Олон улсын мөнгөн гуйвуулгын үйлчилгээг ашиглан мөнгө илгээх болон хүлээн авах.
• Мост Мони ашиглан бэлэн мөнгө авах;
• Урьдчилсан төлбөрт карт худалдан авах;
• Төлбөр төлөх;
• Картгүй ч TDB online үйлчилгээгээр QR код үүсгэн АТМ-аас бэлэн зарлагын гүйлгээ хийх боломжтой.

• Худалдан авалт хийхдээ тухайн сайтын төлбөрийн нөхцөл болон найдвартай байдлыг нь сайтар судалсны үндсэн дээр картын мэдээллээ оруулж хэвшээрэй.
• Та https:// хамгаалалттай болон Verified by visa, Master card securecode технологийг нэвтрүүлсэн сайтаар үйлчлүүлэхийг эрмэлзэж байгаарай.
• Олон улсын картаараа АНУ-ын үйлчилгээний байгууллагаас худалдан авалт хийж буй тохиолдолд дансны үлдэгдэл хүрэлцээгүй бол 1 ам.доллар суутгагддаг болохыг анхаарна уу.

• Таныг эрсдэлээс сэргийлэх үүднээс картанд нэг өдөрт зарцуулах лимит, хэрэглэгдэх тоог тогтоосон байдаг.
• Таны картын өдрийн лимитийн хэмжээ нь картын төрлөөс хамаардаг болохыг анхаарна уу.
• Та лимитээ өөрчлөхийг хүсвэл өөрт ойрхон салбарт, нэн яаралтай бол лавлах 1900-1977 (24/7) төвд хандана уу.
• Картуудын лимиттэй холбоотой мэдээллийг www.tdbm.mn цахим хуудаснаас авах боломжтой.

• ПИН кодоо өөрчлөх бол ТиДиБи Онлайн үйлчилгээ, АТМ, банкны лавлах 1900-1977 төвд болон банкны салбарт хандан солих боломжтой.
• Интернэт ПИН код нь интернэтээр худалдан авалт хийхэд зориулагдсан бөгөөд ТиДиБи Онлайн үйлчилгээ, АТМ, 1900-1977, info@tdbm.mn болон банкны салбарт хандан авах боломжтой.
• Таны картын ПИН код банканд бүртгэлтэй утасны дугаарт SMS хэлбэрээр илгээгдэх тул өөрийн нэр дээрх, байнгын ашигладаг утасны дугаарыг банкинд бүртгүүлэх, шаардлагатай тохиолдолд утасны дугаарын мэдээллээ шинэчлэхийг зөвлөж байна.

• Банкны бүх төрлийн үйлчилгээг дэлхийн хаанаас ч хамгаалалтын өндөр түвшинд 24/7 авах боломжтой.
• Дансаа удирдах /үлдэгдэл шалгах, хуулга авах, тодорхойлолт авах, битүүмж тавих, цуцлах, хадгаламжийн хугацаа сунгах/
• Бүх төрлийн гүйлгээ /банк доторх гүйлгээ, банк хоорондын гүйлгээ, олон улсын гүйлгээ, гааль татварын гүйлгээ/
• Хэрэглээний төлбөрүүд төлөх /билл төлбөр/
• Картын үйлчилгээ /картын хуулга, төлөв өөрчлөх, лимит засварлах, карт захиалах, КИН код авах, интернэт ПИН код идэвхжүүлэх/
• Зээл, Үнэт цаас, Даатгал зэрэг нэмэлт үйлчилгээг авах боломжтой.
• Бусад /хувийн мэдээлэл засварлах, нууц үг солих, тогтмол ханддаг төхөөрөмж хянах, мессеж банк үйлчилгээнд бүртгүүлэх, урамшуулал болон АТМ, салбарын байршил харах.

АНХААРАХ

• Өөрийн хувийн мэдээлэл буюу утасны дугаар, и-мэйл хаяг зэргийг цахим орчинд бусадтай хуваалцахгүй байх, мөн бусдад илгээхгүй байх,
• Банкнаас илгээсэн мэдээллийг цаг тухай бүрт нь сайтар шалган нягталж байх,
• Цахим орчинд таны танил хэн нэгнээс таны хувийн мэдээллийг (утасны дугаар, и-мэйл хаяг гэх мэт) өгөхийг шаардсан тохиолдолд заавал утсаар холбогдон давхар баталгаажуулах,
• Банкнаас илгээсэн интернэт банкны нууц үг, баталгаажуулах код зэргийг агуулсан мессежийг ашиглах шаардлагагүй болсон тохиолдолд тухай бүрт нь устгаж байх,
• Цахим банкны нэвтрэх нэр болон нууц үгээ вэбсайт дээр хадгалахгүйгээр нэвтрэн, ашиглаж дууссаны дараа Гарах товчийг дарж хэвших
• Та ухаалаг гар утсаа бусдад зарах эсвэл дамжуулан хэрэглүүлэх тохиолдолд хувийн мэдээллээ устгана уу.

• Картын хүчинтэй хугацаагаа шалгаж, хугацаа дуусах гэж буй бол банкинд хандаж, шинээр захиална уу.
• Кредит карт болон зээлийн эрхтэй карттай бол зээл төлөгдөж дуусах хугацаа, зээлийн лимитийн хугацаа болон картын дуусах хугацаагаа нягтлаарай.
• Банкны www.tdbm.mn цахим хуудасны “Мэдээллийн аюулгүй байдлын зөвлөмж” хэсгээс картын эрсдэлээс сэргийлэх зөвлөмжүүдтэй сайтар танилцана уу.
• Гарч болзошгүй эрсдэлээс сэргийлж картдаа хамтран эзэмшигч, эсвэл итгэмжлэгдсэн хүний мэдээллээ банканд бүртгүүлэх боломжтой.
• Картаа хэвийн ажиллаж байгаа эсэхийг АТМ эсвэл үйлчилгээний байгууллагаар үйлчлүүлж шалгахад илүүдэхгүй.

• VISA payWave карт нь зайн технологи бүхий карт бөгөөд ПОС терминал дээр картыг физикал холболт үүсгэлгүйгээр зайнаас гүйлгээ хийх боломж олгодгоороо онцлогтой.
• Visa payWave картаар АТМ дээрээс зайнаас үйлчилгээ авах боломжтой.
• Та картаа ПОС терминалд 5 см орчим ойртуулахад гүйлгээ хийгдэнэ.
• Терминалын тохиргоо буюу гүйлгээ хийгдэж буй улсын журам, зохицуулалтаас хамаарч өндөр дүнтэй гүйлгээг картын ПИН кодоор баталгаажуулна.
• Дараах логонуудтай дэлхийн аль ч улсын ПОС терминалд payWave гүйлгээ хийх боломжтой.
• payWave унших боломжгүй үйлчилгээний байгууллагад payWave картын EMV чип болон соронзон туузыг ашиглан гүйлгээ хийх боломжтой.

• Гүйлгээний баримт дээрх картын дугаар, мөнгөн дүн, валютын мэдээлэл үнэн зөв эсэхийг шалгаж хэвшээрэй.
• Гүйлгээ хийх явцад картаа харах орчноосоо салгахгүй байж, пин кодоо өөрөө хийх нь таныг аливаа эрсдэлээс сэргийлнэ.
• Дансны хуулгаа тогтмол шалгаж эргэлзээтэй гүйлгээ байвал банканд хандаж тодруулаарай.
• Үйлчилгээ авч буй газар сэжиг бүхий санагдвал үйлчлүүлэхээс татгалзаарай.
• Үйлчилгээний ажилтан картыг тань өөр төхөөрөмж дээр давхар уншуулах, картын мэдээллийг тэмдэглэж авах зэрэг үйлдэл хийвэл татгалзах, шалтгааныг асуух.
• Өөрийн карт болон картын мэдээллээ (картын дугаар, хугацаа, ПИН код, CVV) бусдад дамжуулахгүй байх.
• Пос терминалд ямарваа нэгэн төхөөрөмж нэмэлтээр залгасан болон таны картыг пос терминалаас өөр төрөөрөмж дээр уншуулахыг оролдвол нэн даруй татгалзаж энэ тухай мэдээллийг Банканд хандан мэдэгдэнэ үү.